تعجبني الجلسه على جـال وادي في ظل شجره وارفات الجذوعي

الجو زان وزان وقت المكاشيت

تحت الشجر في ظلها والبرادي

البر متعه واكسبوا معكم الصيت

ترى النظافه مطلبٍ في بلادي

خلوا المكان اللي تجونه كما البيت

هذا السلوك اللي يصير اعتيادي

سليمان بن عبدالعزيز السنيدي – الرياض

تعجبني الجلسه على جال وادي

في ظل شجره وارفات الجذوعي

فـ البر نسناس الهوى والبرادي

يـا ليتلي في كُل يومٍ طلوعي

واخذ معي للبـر شربي وزادي

حتي يحين الوقت يم الرجوعي

محمد عبدالله الشهري – مكة المكرمة

الوسم قرّب واحذروا دارج السيل

اللي يجيكم غره من علاويه

في بطن وادي مخطر حيل بالحيل

الجو زان والوسم في حراويه

وشوف الشجر وغصونها مايله ميل

يا زين شوف البر محلى حلاويه

حمد عبدالله الوايلي – حوطة سدير

للبر فرحه في عيون المكاشيت

يفرح به اللي ضاري للوناسه

لا صار في صدرك من الهم عفريت

وزود على ذلك هموم الدراسه

نصيت لك بر يشوقك اليا جيت

مع رفقة اللي دايم يشوش راسه

خالد بن ناصر المخيمر – روضة سدير

من يوم قفّى يا ابو هـذال سبتمبر

هـبّت ذعاذيع شـاقت قلبي السالي

والوسم قرّب.. يحلّ بْنصف أكـتوبر

جِعل المفـالي يجـيها الغيث همّالي

وأحـلى شهـر دون شكٍّ شهر نوفمبر

ظلّ الشجر فيه يِطرب.. في خلا خالي

سـجّ القدم كاشـتٍ.. وان جاك ديسمبر

احسب حساب الشتا.. عمرك ترى غالي

فيصل الصاعدي – المدينة المنورة

نرحب بمشاركاتكم الشِّعرية،

وما تلتقطه عدساتكم من الصور الهادفة والطريفة على إيميل الخزامى:

rb-khozama@alriyadh.com